دنیا بھر میں ہر سال 25 جولائی کو ڈوبنے سے اموات کی روک تھام کا عالمی دن منایا جاتا ہے۔ یہ دن منانے کا فیصلہ 2021 میں اقوام متحدہ نے کیا۔
ڈبلیو ایچ او کے مطابق دنیا بھر میں روزانہ اوسطاً 650 لوگ ڈوب جاتے ہیں۔ اسی بنا پر ادارے نے اسے خاموش وبا کا نام دیا ہے۔
ادارے کے مطابق ہر سال ڈوبنے والوں میں سے 82 ہزار کی عمریں 14 سال سے کم ہوتی ہیں۔ 25 سال سے کم عمر لوگوں کی اموات کی 10 عام وجوہات میں سے ایک ڈوبنا بھی ہے۔ چار سال کی عمر تک کے بچّوں میں اس کا خطرہ زیادہ ہوتا ہے۔ اس کا سبب یہ ہے کہ وہ پانی میں پھسل جاتے ہیں اور پھر اٹھ نہیں پاتے۔ ڈوبنے والوں میں سے 90 فیصد کا تعلق کم یا متوسط آمدن والے ممالک سے ہے۔ ترقی یافتہ ممالک میں اس کی شرح کم ہے۔ اس کا سبب یہ ہے کہ وہاں بچّوں کو تیرنا سکھا دیا جاتا ہے۔
ڈبلیو ایچ او کے مطابق تیراکی، پانی سے تحفظ اور ریسکیو پر معلومات فراہم کر کے ڈوبنے سے اموات کی شرح میں کمی لائی جا سکتی ہے۔
![Vinkmag ad](https://www.shifanews.com/wp-content/uploads/2024/05/Join-Our-WhatsApp-Channel-Button-e1716468728620.png)